भोलि विप्लव माओवादीको नेपाल बन्द
काठमाडौं, २९ वैशाख । स्थानीय तहको निर्वाचन विथोल्ने प्रयास गरिरहेको नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीले वैशाख ३० गते भोलि शनिबार नेपाल बन्दको आह्वान गरेको छ ।
स्थानीय निर्वाचन विथोल्ने अभियानअन्तर्गत बन्दको आह्वान गरिएको नेकपाले जनाएको छ । बन्दको घोषणा यसअघि नै आन्दोलनका कार्यक्रम सार्वजनिक गर्ने बेला भइसकेको छ ।
बन्दका कारण निर्वाचनका लागि अन्तिम दिन गाउँ जाने मतदाता मर्कामा पर्ने देखिएको छ ।
अहिलेको संसदीय व्यवस्थाको औतिच्य नभएको भन्दै विप्लव माओवादी निर्वाचनविरुद्ध आन्दोलनमा होमिएको छ ।
