४ महानगरमध्ये तीन महानगरमा एमालेको अग्रता कायमै, यस्तो छ ४ महानगरको ताजा मत परिणाम
काठमाडौं । मतगणना भइरहेका चारवटा महानगरपालिकामध्ये काठमाडौं, भरतपुर र पोखरामा एमालेको अग्रता कायमै छ । काठमाडौंमा एमालेका मेयरका उम्मेदवार विद्यासुन्दर शाक्यले काँग्रेसका राजुराज जोशीलाई २२३४ मतले पछाडि पारेका छन् ।
पछिल्लो जानकारी अनुसार शाक्यको ६२३८ छ भने जोशीको ४००४ मत छ । विवेकशीलकी रन्जु दर्शनाको २४९८ र साझा पार्टीका किशोर थापाले १८८८ मत पाएका छन् । माओवादीका उम्मेदवार सर्वोत्तम डंगोलले ६२७ मत पाएका छन् । महानगरपालिकाहरुको मतगणना अति सुस्त गतिमा भइरहेको छ ।
त्यस्तै सर्वाधिक चासोको भरतपुर महानगरपालिकाको निर्वाचनमा एमालेका उम्मेदवार देवी ज्ञवालीलेले अग्रतालाई झन् फराकिलो बनाउँदै लगेका छन् । पछिल्लो जानकारी अनुसार ज्ञवालीले १७७९ मतले कांग्रेस–माओवादी संयुक्त गठबन्धनकी मेयरकी केन्द्रकी रेणु दाहाललाई पछि छाडेका छन् ।
ज्ञवालीले ९२१२ मत पाएका छन् भने रेणुले ७४३३ मत पाएकी छिन् । सुरुदेखि नै ज्ञवालीले अग्रता लिंदै आएका छन् ।
यस्तै ललितपुर महानगरपालिकामा एमालेका मेयर उम्मेदवार हरिकृष्ण ब्यन्जनकारले थोरै मतले कांग्रेसका चिरीबाबु महर्जन भन्दा पछि छन् । महर्जनको ११८४३ छ भने ब्यन्जनकारको १११०३ छ ।
पोखरा नगरपालिकाको पछिल्लो मतगणना परिणाम अनुसार एमालेका मेयरका उम्मेदवार मानबहादुर जीसीले अग्रता फराकिलो बनाउँदै लगेका छन् । जीसीले ९७२८ मत पाएका छन् भने कांग्रेसका रामजी कुँवरले ९४४४ मत पाएका छन्
