रेणु दाहालले एमालेसँगको अग्रता छोट्याईन, मतमपरिणाम रोचक बन्दै
भरतपुर । भरतपुर महानगरपालिकामा माओवादी कांग्रेसको संयुक्त उम्मेद्वार रेणु दाहालले एमालेसँगको अग्रता छोट्याएकी छन्।
१४ नम्बर वडाको मत गणना सकिएसँगै माओवादी केन्द्रकी रेणु दाहालले अग्रता छोट्याएकी हुन्। पछिल्लो मत परिणाम अनुसार एमालेका देवी ज्ञवालीले २९ हजार ३ सय ६८ मत पाएका छन् भने रेणु दाहालले २७ हजार ४ सय ७ मतसहित पछ्याइरहेकी छन्।
अहिले देवी र रेणुबीचमा १९६१ मतको फरक छ। कुनै समय ३८ सय भन्दा बढी मतको अग्रता लिएका देवीले क्रमशः रेणुलाई बाटो छोडीरहेका छन्। वार्ड नम्बर १४ बाट नेपाली कांग्रेसका ओम प्रसाद पोख्रेलकोको प्यानल नै विजयी भएको छ।
पोखरेलले १५ सय २२ मत ल्याएर विजयी भएका हुन्। यही वडासम्मको गणनामा उपमेयर तर्फ नेपाली कांग्रेसकी पार्वती साहले ३०७८९ मत ल्याएकी छन् भने एमालेकी दिव्या शर्माले २६ हजार ५ सय ८७ मत ल्याएर पछ्याइरहेकी छन्। अहिले २५ वडाको गणना भइरहेको छ।
