देवी ज्ञवालीको खड्को टर्यो, रेणुलाई सकस – यस्तो छ भरतपुर महानगरको मतपरिणाम अपडेट
भरतपुर, १२ जेठ । भरतपुर महानगरपालिकाको मेयरमा नेकपा एमालेका देवी ज्ञवालीले अग्रता बढाएका छन् ।
काँग्रेस बाहुल्य रहेको क्षेत्रमा समेत ज्ञवालीले निरन्तर अग्रता लिएपछि उनको जित्ने सम्भावना बढेको एमालेजनहरु बताउँछन् । रेणुले निरन्तर प्रतिस्पर्धा गरे पनि मतअन्तर खासै घटेको छैन् । उनलाई जित्नलाई सकस नै देखिएको छ । मतपरिणामहरुलाई हेर्दा थोरै मतअन्तरले हार जित हुने देखिएको छ ।
पछिल्लो परिणाम अनुसार, मेयर पदमा एमालेका देवी ज्ञवालीले ३६ हजार ५ सय ५८ मत प्राप्त गरेका छन् । माओवादी केन्द्रकी रेणु दाहालले ३४ हजार ६ सय ७३ मत प्राप्त गरेकी छन् । रेणुभन्दा एमालेका ज्ञवाली १८ सय ८५ मतले अगाडि छन् । भर्खरै गणना भएको २३ नम्बर वडा पनि एमालेकै पोल्टामा गएको छ ।
