यसरी बन्दैछ झन-झन कठिन गोरखाल्याण्ड आन्दोलन : विधायक शर्मा भन्छन,- दार्जीलिङका जायज माग संबोधन हुनुपर्छ
काठमाडौं, ८ असार । गोर्खाल्यान्ड माग गर्दै भारत पश्चिम बंगालको दार्जीलिङमा आन्दोलनरत गोर्खा जनमुक्ति मोर्चाले शुक्रबार दार्जीलिङका विभिन्न शिक्षण संस्थाका छात्रावासमा बसिरहेका विद्यार्थीलाई घर जान अनुमति दिएको छ ।
बन्दका कारण दार्जीलिङमा सार्वजनिक सवारीसाधन नचल्ने भएकाले त्यस्ता विद्यार्थीलाई विद्यालयकै सवारीसाधनले सिलिगुडी तथा सिक्किम राज्यको सिमानासम्म पुर्याउनुपर्ने मोर्चाले उल्लेख गरेको छ ।
दार्जीलिङमा जुन आन्दोल चलिरहेको छ त्यस आन्दोलनमा आफ्नो समर्थन रहेको बताउनुहुन्छ भारत आसमका विधायक रामप्रसाद शर्मा ।
हाम्रो पाटी भारतीय जनता पाटीले समेत दार्जीलिङका हक अधिकार र जायज मागलाई सम्बोधन गर्ने बताउदैँ आएको छ । म पनि त्यसका लागि जस्तो सुकै पहल गर्न पनि तयार छु न्यूज अभियानको कुराकानीमा शर्मा भन्नुहुन्छ । दार्जिलिङको आन्दोलन अझै चर्किने भएको छ ।
गोर्खाल्यान्ड आन्दोलनलाई ऐक्यवद्धता जनाउँदै इलाममा प्रदर्शन
गोर्खाल्यान्ड आन्दोलनलाई ऐक्यवद्धता जनाउँदै इलाममा प्रदर्शन भएको छ । इलाममा रहेका नेपाली तथा दार्जिलिङ लगायतका क्षेत्रबाट बिहे गरेर आएका चेलीहरुले मिलेर इलाम सदरमुकाममा प्रदर्शन गरेका छन् । एक सय १० वर्ष पुरानो अस्तित्व मेटाउन नहुने भन्दै सदरमुकाममा प्रदर्शन भएको छ ।
बंगाली भाषालाई बाध्यकारी बनाउने बंगाल सरकारको प्रयासपछि आन्दोलनमा उत्रिएका मोर्चासहितका दलले पश्चिमबंगालकी मुख्यमन्त्री ममता बनर्जीले बिहीबार बोलाएको सर्वदलीय बैठकमासमेत सहभागी नहुने निर्णयसमेत गरेको छ ।
गोर्खाल्यान्ड पक्षधर दलले बैठकमा नजाने निर्णय गरेको मोर्चाकी नेतृ निरा शर्माले जानकारी दिइन् । दार्जीलिङको अनिश्चतकालीन बन्द यथावत् छ । गत शनिबार प्रहरीसँग भएको झडपमा तीन नेपाली भाषीको मृत्यु भएपछि आन्दोलनले अर्कैरुप लिएको छ । बाँकी भिडियोमा…
