सैनामैना नगरपालिका मेयरमा पराजित भएपछि कांग्रेसका जिल्ला सदस्यले दिए राजीनामा
बुटवल, २० असार । रुपन्देहीको सैनामैना नगरपालिकाबाट मेयरमा पराजित भएपछि कांग्रेस जिल्ला सदस्य फणिन्द्रप्रसाद शर्माले पदबाट राजीनामा दिएका छन् । उनले मंगलबार एक बिज्ञप्ती जारी गर्दै पदबाट राजिनामा दिएको बताएका छन् ।
उनले नेपाली कांग्रेस केन्द्रीय समितिले सैनामैना नगरपालिकाको मेयर पदको उम्मेदवार बनाएकोमा आभार प्रकट गर्दै शर्माले राजिनामा दिएको घोषणा गरे । उनले निर्वाचनमा सहयोग पु¥याउने भातृ संघ सस्था, युवा, शिक्षक, विद्यार्थी, वौद्धिक वर्ग लगायत सम्पूर्ण मतदाता र नगरबासीलाई खेलेको भूमिकाको प्रशंसा समेत गरेका छन् ।
‘मेरो नेतृत्वमा चुनाव लड्दा म लगायत धेरै साथीहरु सफलता प्राप्त गर्न नसकेको हुंदा नैतिकताको आधारमा जिल्ला कार्य समितिबाट राजीनामा दिएको छु ।’ – – ‘चुनावमा बिजयी प्राप्त गर्ने साथीहरुलाई बधाइ र सफल कार्यकालको शुभकामना छ’ उनले भनेका छन् ‘ अबको बांकी समय राष्ट्रियता, प्राजातन्त्र र समाजबाद प्रति सधंै निष्ठावान रही निरन्तर लाग्ने छु ।’
सैनामैनामा नेकपा एमालेबाट मेयरपदमा चित्र बहादुर कार्कीले १३ हजार ३६ मत ल्याई विजयी भएका हुन् भने शर्माले १० हजार ३ सय ५ मत ल्याएर पराजित बने । – नागरिक आवाज
