धनकुटामा जारी भिमनारायण अन्तराष्ट्रिय आमन्त्रण गोल्डकप फुटवल प्रतियोगिताको आज फाईनल
धनकुटा खबर, १ असोज । धनकुटामा जारी १३ औ शहिद भिमनारायण अन्तराष्ट्रिय आमन्त्रण गोल्डकप फुटवल प्रतियोगिताको फाईनल खेल आज हुदै छ । उपाधिका लागी आज ब्वाईज युनियन काठमाण्डौ र विर्ता युनाईटेड झापा विच प्रतिस्पर्धा हुने प्रतियोगिता आयोजक समितिका संयोजक शम्भु प्रधानले वताउनुभयो ।
ब्वाईज युनियन काठमाण्डौ बेलवारी फुटवल कल्व मोरङ्गलाई १–० गोलले पराजित गर्दै फाईनलमा प्रवेश गरेको हो भने विर्ता युनाईटेड झापा विआरसी भुटानलाई ४–० गोल गर्दैै फाईनलमा प्रवेश गरेको हो ।
प्रतियोगिताको विजेता टिमले गोल्डकप सहित नगद १ लाख र उपविजेता टिमले नगद ५० हजार हात पार्ने प्रतियोगिता आयोजक समितिले जनाएको छ । प्रतियोगिता गत भाद्र २७ गते देखि शुरु भएको हो ।
२०७३ को १३ औ संस्करणको प्रतियोगिता गत चैत्र महिनामा सञ्चालन हुनुपर्ने भएपनि प्रतियोगिता सञ्चालन गर्ने स्थल तल्लो टुडिखेल स्तर उन्नति तथा मर्मत सम्भारका कारण ६ महिना पछि सञ्चालन भएको छ । शहिद भिमनारायण श्रेष्ठको नाममा २०५५ सालमा स्थापित शहिद भिमनारायण गोल्डकप २०६३ साल देखि नियमित रुपमा हरेक वर्ष सञ्चालन हुदै आएको छ ।
