नेपाली कांग्रेस क्षेत्र नं २ द्वारा पाख्रीवास नगरपालिकामा स्थानीय तहको निर्वाचन समिक्षा
धनकुटा खबर । नेपाली कांग्रेस क्षेत्र नं २ को आयोजनामा आज धनकुटाको पाख्रीवास नगरपालिकामा स्थानीय तहको निर्वाचन समिक्षा तथा नजिकिदै गरेको चाड पर्व दशै, तिहार, तथा छठको शुभकामना आदान प्रदान गरिएको छ ।
क्षेत्र नं २ का क्षेत्रीय सभापति ईन्दिरा थापाको अध्यक्षतामा सम्पन्न कार्यक्रममा स्थानीय तहको निर्वाचनको विषयमा समिक्षा गरिनुका साथै अव हुने प्रदेश तथा केन्द्र तहको निर्वाचनका लागि उम्मेद्धार छनौटको वारेमा छलफल भएको छ ।
कार्यक्रममा महाधिवेशन प्रतिनीधि आनन्द सन्तोषी राई, पाख्रीवास नगर सभापति कोपीन मानन्धर सहित क्षेत्रीय कार्यसमितिका पदाधिकारी जिल्ला कार्य समितिका प्रतिनीधि र नगर समितिका सदस्यहरुले उपस्थिती जनाएको भूपू सैनिक संघका क्षेत्रीय सभापति श्याम प्रकाश राईले जानकारी दिनुभयो ।
