अलैचीको मूल्य घटेर मारमा परेका महाभारत धनकुटाका किसानलाई थपियो अर्को समस्या !
धनकुटा खबर । अलैचीको मूल्य घटेर मारमा परेका सागुरीगढी गाउँपालिका वडा नं ८ महाभारत धनकुटा अलैचि किसानहरुलाई अर्को समस्या थपिएको छ ।
त्यहाँका किसानले लगाएको अलैची जङ्गली जनावर वादरले खाएर दुख दिन थालेपछि समस्या थपिएको हो । अलैचीको नयाँ वोट पलाउने यो समय वादरले वोट भाँचेर भीत्री गुदी नै खाईदिने गरेपछि समस्या भएको स्थानीय किसान कमल राईले वताउनुभयो ।
यसरी वादरले अलैचीको वोट नै भाचेर भीत्रि गुदी र मूना पनि खानेभएपछि आउदो वर्ष उत्पादनमा समेत गिरावट आउने चिन्ताले आफुलाई सताएको अर्का किसान सूर्य वहादुर राईले वताउनुभयो ।
दैनिक ५०र६० वटा संख्याको समूहमा आउने वाँदरले अलैची खाएर दुख दिएपछि आफुहरुको खेतीपाती कार्यमा थप समस्या भएको त्यहाँका किसान राम वहादुर राईको गुनासो छ । अन्य खानेकुरा नपाएपनि वादरले अलैची खानेगरेको किसानहरुले वताएकाछन् । महाभारतमा ३ सय घरधुरी संख्याका किसानले करिव ७ हेक्टर वढी क्षेत्रफलमा अलैची खेती गर्ने गरेकाछन् ।
