धनकुटाको पाख्रीबासमा मारुती भेन दुर्घटना, ३ घाईते
धनकुटा खबर । धनकुटाको पाख्रीवास नगरपालिका कट्टेल धारा भन्ने स्थानमा आज विहान मारुती भेन दुर्घटना हुँदा ३ जना घाईते भएका छन् ।
घाईते हुनेहरुमा अन्दाजी २५ वर्षका राम कुमार राई, मोरङ्ग केरावारीकी ४६ वर्षकी चन्द्र माया गिरी र धनकुटाको पाख्रीवास नगरपालिका चुममाङ्गकी सरिता पोखरेल रहेको पाख्रीवास प्रहरीले जनाएको छ । राम कुमारको भने ठेगाना खुल्न नसकेको प्रहरीले वताएको छ ।
ग १ च २९८ नं को मारुती भेन दुर्घटना हुँदा घाईते भएका उनीहरु मध्ये गम्भिर घाईते राम कुमारलाई उपचारको लागि विपी कोईराला स्वास्थ्य विज्ञान प्रतिष्ठान धरान लगिएको र अन्य दुईजनाको पाख्रीवास पोलिक्लिनिकमा उपचार भईरहेको छ । सरिता र चन्द्र मायाको ढाड र टाउकोमा चोट लागेको छ ।
मुगावाट पाख्रीवास तर्फ आईरहेको मारुती भेन ओेभर लोडको कारण उकालोमा चढ्न नसकी पछाडी सरेर खोल्सीमा पसी दुर्घटना भएको प्रहरीले जनाएको छ ।
