धनकुटा नगरपालिकाका मेयरद्वारा तलबी निर्णय बदर
धनकुटा खबर । मेयरको अनुपस्थितिमा उप–मेयरको अगुवाईमा तोकिएको धनकुटा नगरकार्यपालिकाका जनप्रतिनीधिहरुको तलब सुबिधा बदर गरिएको छ ।
धनकुटा नगरपालिकाका मेयर चिन्तन तामाङ्गले चीन भ्रमण गएको बेला असोज ९ गते उप–मेयर सकुन्तला बस्नेतले उक्त तलब पारित सुबिधा पारित गराएका थिए ।
उक्त बैठकले वडा अध्यक्ष र नगर परिषद् सदस्यहरुलाई मासिक २५ हजार,उप–मेयरलाई ३५ र मेयरलाई ४५ हजार तलब तोकेको थियो ।
तर उक्त तलवब सुबिधा प्रदेश कानुनको अभावमा संविधान बिपरित भएको भन्दै तामाङ्ग भ्रमणबाट फकिएपछि २६ गते बिहिबार बसेको बैठकले उक्त निर्णय खारेज गरिएको हो ।
तामाङ्गले भने,‘संविधानमा जनप्रतिनीधिहरुको सुबिधा प्रदेश कानुनले तोक्ने ब्यबस्था भएकोले निर्णय वदर गरिएको हो ।’
उता उप–मेयर बस्नेतले भने आफूले मेयरबाट अनौपचारिक स्वकिृति पाएकोे र सबै नगरपालिका बोर्डले पनि सहमति भएकाले निर्णय कार्यानवयन भएर जाने देखिएकोले जनप्रतिनीधहरुको तलव तोकेको जानकारी दिए ।
नेपालको संविधान २०७२ को भाग १८ को बुंदा २२७ अनुसार ‘गाउँ सभा र नगर सभाका सदस्यले पाउने सुंविधा सम्बन्धी व्यवस्था प्रदेश कानुन बमोजिम हुने’ब्यबस्था रहेको छ ।
