दिलुङटार धनकुटामा ३ हजार १ सय ५२ अबैद्य गाँजा बोट फडानी
धनकुटा खबर । प्रहरीले धनकुटाको साँगुरीगढी गाउँपालिका स्थित दिलुङटारमा गाँजा फडानी गरेको छ ।
जिल्ला प्रहरी कार्यालयको टोलीले अबैद्य रुपमा किसानले लगाएको ३ हजार १ सय ५२ बोट गाँजाको बोट काटेको हो ।
गाँजा खेती गरेको सूचनाको आधारमा प्रमुख जिल्ला अधिकारी प्रेमप्रकास उप्रती र प्रहरी उपरीक्षक सुदिप राजभण्डारीको नेतृत्वमा गाँजा फंडानी गरेको प्रहरीले जानकारी दिएको छ ।
धनकुटामा हरेक बर्ष गाँजा फडानी गरे पनि किसानहरुले आफै उम्रेको विरुवा भन्दै खेती योग्य जमिनमा गाँजा रोपिरहेको प्रहरी उपरीक्षक भण्डारीले बताए ।
धनकुटाको खाल्सा छिन्ताङ शहीदभुमी र साँगुरीगढी गाउँपालिकाको विभिन्न बस्तीमा गाँजा खेती रहेको प्रहरीको रेकर्ड रहेको छ ।
