उठाउने बेला भएको धान असिनाले झारेपछि किसानहरु चिन्तित
धनकुटा खबर । धान पाकेर उठाउने वेला भएको समयमा असिनाले धान झारेपछि धनकुटाको महालक्ष्मी नगरपालिका वडा नं २ किसानहरु चिन्तित भएकाछन् ।
आज अपराहन्न ४ वजे देखी आधा घण्टा सम्म परेको अविरल वर्षात सँगै करिव १५ मिनेट लगातार झरेको असिनाले धान झारेर क्षती पुर्याएको हो ।
असिनाले आफुहरुको धान खेतीमा ठूलो क्षती पुर्याएको स्थानीय कृषक लील वहादुर श्रेष्ष्ठले वताउनुभयो । श्रेष्ठले करिव ४० रोपनी जग्गामा धान खेती गर्दै आउनुभएको छ ।
उहाँका अनुसार २ नं क्षेत्रमा झण्डै ४ हजार रोपनी क्षेत्रफलमा धान खेती गर्ने गरिएको छ ।
मुख्य वालीकै रुपमा धान खेती गर्दै आएका त्यहाँका किसानहरु त्यसरी असिनाले वाली झारेपछि निराश भएको कृषक श्रेष्ठको भनाई छ ।
त्यहाँका किसानकोे धान भित्र्याउने समय यही कार्तिक महिना मुख्य हो ।
