६ महिना अघि भत्केको सडक मर्मत सम्हार नहुंदा जोखिम पूर्ण यात्रा गर्न बाध्य
धनकुटा खबर । सुख्खा पहिरोले कटान गरेको सडक लामो समय सम्म पनि मर्मत सम्हार नहुदा धनकुटाको सागुरीपगढी गाउँपालिका वडा नं ७ र ८ का स्थानीय वासिन्दा जोखिम पूर्ण यात्रा गर्न वाध्य भएकाछन् ।
भेडेटार देखी महाभारत सम्म जाने कच्ची सडकखण्ड अन्र्तगत भेडेटार भ्यूटावर भन्दा केही मूनिको करिव २ मिटर सडक ६ महिना अघि नै सुख्खा पहिरोले कटान गरेको हो । तर पहिरोले सडक कटान गरेको लामो समय भईसक्दा पनि मर्मत सम्हारमा सम्वन्धित निकायले चासो नदिएको सडक उपभोक्ता समितिका सचिव ईन्द्र वहादुर राईले वताउनुभएको छ ।
पहिरोले सडक कटान गरी सागुरो वनाए सँगै आवत जावतमा निक्कै समस्या वेहोर्नु परेको सागुरीगढी ७ का स्थानीय भक्त वहादुर राईको गुनासो छ ।
त्यस्तै वाटो सागुरो भएपनि अन्य वैकल्पिक सडकहरु नहुदा जोखिम मोलेरै यात्रा गर्न वाध्य हुनुपरेको स्थानीय गाडी चालक महेश राईले वताउनुभयो ।
त्यस वडाको स्पथानीयले उत्पादन गरेको कृषी जन्य वस्तु धरान वजार सम्म पुर्याउन र स्थानीयले उपभोग गर्ने खाद्यय सामाग्री धरानवाट ल्याउने त्यो मुख्य सडकमार्ग भएको स्थानीयले वताएकाछन् ।
