धनकुटा पात्लेमा फन र्पाक र पानी उद्योग !
धनकुटा खबर । धनकुटा नगरपालिकाको वडा नं.९ स्थित पात्ले बेंसिमा फन पार्क रिसोर्ट र पिउने पानी उद्योग सन्चालनमा आउने भएको छ ।
३ करोड ९२ लाख लागतमा सन्चालनमा आउने लागेको उक्त पार्क र उद्योग धनकुटाका ब्यसायीहरु गोपाल गुरागाईं,घनेन्द्र न्यौपाने र बिष्णु गौताम(पाखरेल)को नीजि साभेदारीमा सन्चालनमा आउन लागेको हो ।
२०७३ सालबाट शुरु भई २०७६ साल पौष भित्रमा सन्चालन आउन लागेको फन पार्क ३ करोड र खानेपानी ९२ लाखको लागतमा सन्चालनमा आउन लागेको सन्चालक न्यौपानेले जानकारी दिए ।
साढे २० रोपनी क्षेत्रफलमा फैलिएको उक्त फन पार्कमा होटल तथा रेष्टुरेन्ट सेवा,स्वीमिङ्ग,चिल्ड्रेन पार्क,बनभोज स्थल,होमस्टे शैलीमा आधारित बासको ब्यबस्था र सेमिनार हल हलको सुबिधा रहने न्यौपानेले बताए ।
उनले भने–‘यहाँ एक पटकमा १ सय ५० पाहुनालाई बस्न,खान र कार्यक्रम गर्ने सुबिधा दिनेछौं ।’
त्यस्तै उक्त स्थानमा नै धनकुटा बजारलाई लक्षित गरेर दैनिक ४० हजार लिटर पिउने पानी उद्योग सन्चलनमा आउन लागेको अर्का सन्चालक गरागाईंले जानकारी दिए ।
तस्वीर : निर्माणाधिन फर्न र्पाक र पिउनेपानी उद्योग स्थल
