१० बर्ष लगाएर बनाईयो फोहरमा यति सुन्दर पार्क !, जसको कारण धनकुटा भयो नेपालकै पहिलो सफा शहर – हेर्नुहोस् भिडियो सहित
धनकुटा नगरपालिका बाताबरण शाखाका प्रमुख उपेन्द्र खनालसँग गरिएको कुराकानी
धनकुटा खबर, फोहरमैला ब्यबस्थापन केन्द्रको कुरा आउने बित्तिकै सडेगलेका बस्तु फ्याकिने फोहोरी र दुर्गन्धित ठाउँको कल्पना गरिन्छ ।
तर धनकुटा नगरपालिकाले वडानम्वर ६ को सल्लेरीमा संचालनमा आएको फोहर ब्यबस्थापन केन्द ल्याण्डफिल्ड साईट भने फोहरमैला ब्यबस्थापनका लागि सिकाईको थलो बनेको छ ।
धनकुटा नगरपालिकाले मरेका जनावर, मानव शौचालय तथा शहरबाट संकलन गरिएको फोहरको थुप्रो माथिनै फूलवारी सहितको सुन्दर पार्क निर्माण गरेको छ । बाढी र भूक्षयले पारेका ठूल्ठूला खाल्डा पुरेर चिटिक्क परेको पुष्प वाटिका तयार पारिएको छ ।
नगरपालिकाले धनकुटा बजार र हिलेबाट दैनिक संकलन हुने फोहरमा मिसिएर आउँने फलाम, काँच, कपडा, टुटेफूटेका बिद्युतिय सामग्री, प्लाष्टिक बोतलका साथै कार्टुन छानेर बिक्रि गरि बाँकि रहेको फोहरले ‘ल्याण्ड फिल’ आसपासका खाल्डा पुर्दै आएको छ । यसरी धनकुटा नगरपालिकाले फोहरलाइ पुरेर बनाएको पुष्प वाटिकाले भने सबैको ध्यान आर्कषित गरेको छ ।
सफा शहर अभियानलाई सार्थक बनाउन प्लाष्टिक झोला प्रयोगमा प्रतिबन्ध लगाएको धनकुटा नगरपालिकाले घरभीत्रको फोहर न्यूनिकरणका लागि घरैपिच्छे गड्यौला पालन, बायोग्यास र मानव मलमुत्र संकलन गरि कम्पोष्ट मल बनाउने कामलाई प्रोत्साहन गरेको धनकुटा नगरपालिकाका वातावरण शाखा प्रमुख उपेन्द्र खनालले बताउनुभयो ।
यस ल्याण्डफिलका सहयोगका कारण नै धनकुटा गत बर्ष दोस्रो र यो बर्ष नेपालकै पहिलो सफा शहरमा पर्न सफल भएको खनालको भनाई छ । धनकुटा सदरमुकाम र हिलेबाट मात्रै दैनिक १४ टन भन्दा बढि फोहर संकलन हुने नगरपालिकाले जनाएको छ ।
धनकुटा नगरपालिका बाताबरण शाखाका प्रमुख उपेन्द्र खनालसँग ‘कसरी संभब भयो फोहरमा यति सुन्दर पार्क बनाउन ?’ भन्ने बिषयमा धनकुटा खबरका लागि विदुर खबासद्वारा गरिएको कुराकानी भिडियो हेर्नुहोस्
