‘भिरगाउँ स्थित विद्यालयलाई ७ लाख दिने’
धनकुटा खबर । धनकुटा नगरपालिका वडा नं २ भिरगाउँ स्थितको श्रीमान टंक माद्यमिक विद्यालयले आज आफ्नो ६४ औ वार्षीकोत्सव मनाएको छ ।
धनकुटा नगरपालिकाका प्रमुख मेयर चिन्तन तामाङ्गको प्रमुख आतिथ्य तथा विद्यालय व्यवस्थापन समितिका अध्यक्ष चन्द्रलाल तामाङ्गको अध्यक्षतामा सञ्चालित कार्यक्रमको वीच विद्यालयले वार्षीकोत्सव मनाएको हो ।
वार्षिकोत्सव कार्यक्रमलार्य सम्वोधन गर्दै मेयर तामाङ्गले विद्यालयले योजना प्रस्तुत गरेको खण्डमा नगरपालिकाले ५ देखी ७ लाख वजेट विद्यालयलाई दिने वताउनुभएको विद्यालयका प्रधानाध्यापक वासुदेव निरौलाले जानकारी दिनुभयो ।
कार्यक्रममा प्रधानाध्यपक निरौलाले विद्यालयको समग्र आर्थिक तथा शैक्षिक नीति कार्यक्रम प्रस्तुत गर्नुभयो । सोही अवसरमा विद्यालयको १ देखी ५ सम्मका विद्यार्थीहरुलाई मनमाया महरा अक्षकोष मार्फत ड्रेस र आफ्नो व्यक्तिलगत तर्फवाट टाई र वेल्ड अक्षकोष निर्माणकर्ता हर्क वहादुर परियारले वितरण गर्नुभएको थियो ।
त्यस्तै गरी वखत वहादुर तिलक कुमारी अक्षकोषको २ लाख ५१ हजार को व्याज मार्फत मावि तहमा उत्कृष्ट अंक ल्याई उत्र्तीण भएका एक जना छात्रा र एक जना छात्र लार्य जनही २८ सय को दरले नगद पुरस्कार प्रदान गरिएको छ ।
