२ समुह बीच झगडा र कुटपिट पछि धनकुटा आँखिसल्लाका एक युवक बेपत्ता
धनकुटा खबर । आपसी झगडा र कुटपिट पछि धनकुटा खाल्सा छिन्ताङ्ग सहिदभूमि गाउँपालिकाका एक यूवा बेपत्ता भएका छन् ।
गाउँपालिकाको थलथले र पिल्लेको सिमानामा रहेको पानीटारमा आपसी बिवादका कारण २ समुह बीच भएको झगडापछि वडा नं.६ का बर्ष ३८ का प्रदिपराई बेपत्ता रहेका छन् ।
बेपत्ता भएका राई सग रहेका ४ जना र अन्य ८ जनाको समुह बीच बुधबार बेलुका भएको उक्त झगडाको घटना पछि अम्रिसो घारीमा राईको मोबाईल र जुत्ता भेटिए पनि मानिस बेपत्ता भएको थलथले प्रहरीले जानककारी दिएको छ ।
बेपत्ता भएका राईका अन्य तीन साथीहरु सम्पर्कमा आएपनि अर्को समुहका कविराज राई र साजन राई लगाएत सबै फरार रहेकाले घटना गम्भिर हुन सक्ने थलथले प्रहरीका असई धनपति विमलीले जानकारी दिनुभयो ।
उक्त घटनामा संलग्नहरुको खोजिकार्य र अनुसन्धान भईरहेको थलथले प्रहरीलाई उध्रित गर्दै सहिदभूमि गाउँपालिकाका अध्यक्ष मनोज राईले जानकारी दिनुभयो ।
