१ करोड सम्मको आर्थिक कारोवार गर्ने लक्ष्य सहित भेडेटारमा छैटौ खाना महात्सव शुरु ! (फोटो / भिडियो सहित)
धनकुटा खबर । पर्यटकीय स्थल धनकुटाको भेडेटारमा छैठौं परिकार महोत्सव आजबाट सुरु भएको छ ।
होटल एशोसिएशन भेडेटारको आयोजनामा ३ दिनसम्म संचालन हुने उक्त महोत्सवको प्रतिनीधि सभाका सभासद राजेन्द्र राईले उद्घाटन गर्नुभएको छ ।
महोत्सवमा स्थानीय खानाका परिकार, अर्गानिक खेतीवाट उत्पादित तरकारी तथा फलफुलको प्रदर्शनी, हस्तकला, कृषि तथा घरेलु उत्पादनका सामाग्री सहितका ३२ बढि स्टलहरु राखिएका छन् ।
महोत्सवका आगन्तुकहरुलाई प्याराग्याइडिङ, माउन्टेन वाइक सहित टुर प्याकेजको व्यवस्था गरिएको आयोजक हेटल एसोसिएसन भेडेटारका अध्यक्ष लीलाराज लावतीले जानकारी दिनुभयो ।
ऐतिहासिकि साँगुरी गढी, पाथीभारा मन्दिर, शंखेश्वर महादेव, नाम्जे, नमस्ते झर्ना, शैलुङडाँडा, आत्म बस्ने घर, बौद्धविहार लगायतको टुर प्याकेजले आगन्तुकको बसाइ रमाइलो बनाउने एशोसियसनका सचिव जितेन्द्र रुमदालीले जानकारी दिनुभयो ।
महोत्सवमा ३० हजार आगन्तुकको भित्राएर १ करोड रुपैयाँसम्मको आर्थिक कारोवार गर्ने लक्ष्य राखिएको आयोजक होटल एसोसिएसन भेडेटारले जनाएको छ ।
https://youtu.be/04Jaupe4edw
– तस्विर / भिडियो : कोकिला भण्डारी / धनकुटा खबर
