धनकुटाको आमहडताल फिर्ता, यसरी परिवर्तन गरियो आमहडताल कार्यक्रमको स्वरुप…
धनकुटा खबर । पुस २४ । प्रादेशिक राजधानीको लागि गएको २४ दिन देखि जारी आन्दोलनको क्रममा ६ दिन देखिको आमहडताल फिर्ता लिईएको छ ।
प्रादेशिक राज्यको राजधानी धनकुटा बनाऔं अभियान समितिको सोमवार दिउँसो वसेको सर्वदलीय वैठकले आमहडताल कार्यक्रमको स्वरुपलाई परिवर्तन गरेका हुन् ।
समितिले आमहड्ताललाई मंगलवार १२ देखि १ वजेसम्म जिरोप्वाइटमा चक्का जाम गर्ने र प्रदेश मन्त्रालयमा राष्ट्रिय झण्डा राख्ने समेत निर्णय गरेको छ ।
सरकारले अस्थायी राजधानी धनकुटा नतोकेसम्म संघर्षको कार्यक्रम जारी रहने समितिका प्रवक्ता नगेन्द्र राईले बताए ।
आन्दोलनको स्वरुप परिवर्तन भएसँगै आइतवार साँझ ४ वजेदेखि यातायातको साधन सञ्चालनमा आएको छ भने भोली (मंगलवार) देखि सम्पूर्ण बजार पसल खुल्ला हुने बताइएको छ ।
