अलैची खेती र ब्यापारको प्रवर्धन गर्न धनकुटामा यस्तो तयारी… (भिडियो सहित)
धनकुटा खबर । अलैची खेती र ब्यापारको प्रवर्धन गर्न ‘अलैची बोर्ड गठन’ गर्ने प्रकृयाको थालनी गरिएको छ । डेनमार्क सरकारले उन्नती परियोजनाको उन्नती परियोजना मार्फत् सन्चिालित बिश्व परिदृष्य वकालत मञ्च(वर्ड भिजन) नेपालले पूर्वी पहाडका ७ जिल्लाबाट यसको सुरुवात गरेको हो ।
अदुवा,अलैची,चिया र दुधको क्षेत्रमा पूर्वी पहाडका ७ जिल्लामा मूल्य श्रंखलाको क्षेत्रमा सन्चालन गरेको यस परियोजनाले बिभिन्न जिल्ला पछि धनकुटामा एक कार्याशाला गोष्ठि सन्चालन गरेर सुझाव संकलन गरेको छ ।
‘अलैचीका क्षेत्रमा देखिएका चुनौती र यसको असर’ बिषयक १ दिने उक्त कार्याशालामा अलैची बिशेषज्ञ तेज थापाले अलैची खेती र ब्यपारका क्षेत्रमा देखिएका नीतिगत समस्याको जानकारी संगै सुझाव संकलन गरिएको छ । उक्त कार्याशालामा धनकुटाका अलैची कृषक ब्यपारी तथा ट्रेड यूनियनकर्मीहरुले अलैची बोर्डमा गठन,आवद्ध क्षेत्र,संगठनको स्वामित्वको बिषयमा लिखित सुझाव दिएको थिए ।
भोजुर र तेह्रथुम पछि हाल धनकुटामा संन्चालित उक्त सुझाव कार्यक्रम पाँचथर,ईलाम,संखुवासभा र ताप्लेजुङ्गमा सन्चालन गरिनेछ । सात जिल्लाको सुझाव संकलन पछि क्षेत्रीय कार्याशालाको आयोजना गरेर यसलाई अन्तिम रुप दिएर कार्यान्वयनको लागि सरकार समक्ष पेश गरिने आयोजक संस्थाका संयोजक किरण भट्टले जानकारी दिनुभयो ।
हाल नेपालका ४२ जिल्लामा भईरहेको अलैची खेती मध्ये पूर्वी पहाडका ७ जिल्लामा ९४ प्रतिशत खेती हुने भएकाले पूर्वी पहाडको सुझावका आधारमा राष्टिय नीति बनाउन लागिएको भट्टले बताए ।
सन् २०१५ सम्मको तथ्यांक अनुसार नेपालमा बार्षिक १२ हजार ४ सय ५८ हेक्टरमा खेतीबाट ५ हजार १ सय ६६ मेट्रिकटन अलैची उत्पादन हुने उनले जानकारी दिनुभयो ।
हाल नेपालमा ७० हजार घरपरिवार आवद्ध रहेको अलैची खेतीबाट बार्षिक ८ अर्ब भन्दा बढी रकम देश भित्रने कार्यक्रममा जानकारी दिईएको छ ।
अलैची खेतीको बिषयमा सरकारले अलैची निर्देशिका २०६५ ल्याए पनि उक्त बिषय प्रयाप्त नभएकोले अलैची बोर्ड गठन प्रकृया थालिएको वर्ड भिजनका सन्चार प्रमुख लोकेन्द्र भट्टले बताउनु भयो ।
वर्ड भिजन अन्तर्गत गठित पब्लिक प्राईभेट पाटनरसिप संस्थाका धनकुटा अध्यक्ष लाखमान घिसिङ्गको संयोजनमा सम्पन्न उक्त कार्यक्रममा अलैची कृषक,ब्यपारीहरुको सहभागिता रहेको थियो ।
कार्यक्रममा धनकुटा नगरपालिकाका मेयर चिन्तन तामाङ्गले अलैचीको क्षेत्रमा देखिएको कुनैपनि समस्यामा नगरपालिकाले सकेको सहयोग गर्ने प्रतिवद्धता ब्यक्त गर्नुभयो । अलैची लगाएत कृषि क्षेत्रका लागि नगरपालिकाले ५० लाख बजेट बिनियोजन गरेको तामाङ्गले जानकारी दिनुभयो ।
