क्षेत्रीय प्रशासक बिरुद्ध रिट दायर गरिंदै, धनकुटामा भोली २ घण्टा चक्का जाम
धनकुटा खबर । प्रादेशिक राजधानीको बिवरण सरकारलाई पठाउँदा धनकुटाको बिषयमा एकलौटी निर्णय गरेर पठाएको भन्दै क्षेत्रीय प्रशासक राजेश्वरमान सिंह बिरुद्ध सर्बोच्च अदालतमा रिट दायर गरिने भएको छ ।
बिहिबार भएको आम हडताल पछि धनकुटालाई प्रदेश नं.१ को राजधानी बनाउँ आन्दोलन परिचालन समितिको बसेको बैठकले उक्त निर्णय गरेको हो ।
समितिका संयोजक सुन्दरबाबु श्रेष्ठको अध्यक्षतामा बसेको बैकठले सर्बाेच्च अदालतमा जनाउ दिंदै शुक्रबार उच्च अदालत धनकुटा ईजलासमा उक्त रिट दायर गर्ने भएको छ ।
राजधानीका लागि सिफारिस पठाउँदा सुनसरी र मोरङ्गमा जनप्रतिनीधि राखेर सिफारिस पठाएको तर धनकुटामा भने राजनैतिक दल,जनप्रतिनीधि तथा सरोकारवाला कसैलाई नसोधी निर्णय पठाएको सिंहमाथि आरोप छ ।
तर उता सिंहले भने उक्त निर्णणयमा आफ्नो कुनै हात नरहेको र केन्द्रिय टोलीको नियम तथा नीति अनुसार भौतिक संरचनाहरुको बिवरण पठाईएको बताउँदै आएका छन् ।
गएको २८ दिन देखि जारी आन्दोलन जारी आन्दोलनका क्रममा भोली शुक्रबार ८ देखि १० बजे सम्म २ घण्टा चक्का जाम रहने संघर्ष समितिले जनाएको छ ।
