धनकुटामा अब रिले अनसन : भोली चक्का जाम पर्सी देखि अनसन गरिने
धनकुटा खबर । धनकुटालाई प्रदेश नं. १ को राजधानी बनाउने आन्दोलन अब रिले अनसनमा परिणत गरिने भएको छ ।
राजधानी संघर्ष समितिका अध्यक्ष सुन्दबाबु श्रेष्ठको अध्यक्षतामा शुक्रबार बसेको बैठकले शनिबार १२ बजे देखि १ घण्टा चक्का जाम गर्ने र त्यसपछि निरन्तर रिले अनसन गर्ने निर्णय गरेको छ ।
शुक्रबार क्षेत्रीय प्रशासक बिरुद्ध दायर गरिने रिट भने समितिले कानुन बिदहरु संघ छलफल गरेर टुंगो लगाउने जनाएको छ ।
उता धनकुटालाई राजधानी बनाउन काठमाण्डौमा पनि रिले अनसन जारी रहेको छ । चौतर्फी दबावका कारण अस्थाई राजधानी तोक्ने सरकारको बैठक पटक–पटक सरिरहेको छ ।
