हिले माविमा ६ सय बढी विद्यार्थीको स्वास्थ्य परिक्षण गरियो
धनकुटा खबर । हिले माद्यमिक विद्यालय धनकुटा १ हिलेको ६ सय वढी विद्यार्थीको स्वास्थ्य परिक्षण गरिएको छ । विद्यार्थीहरुलाई स्वस्थ्य सम्वन्धि जानकारी दिने उद्देश्यका साथ हिले माद्यमिक विद्यालयको आयोजना तथा उज्यालो सामुदायिक पोलिक्लिनिक धनकुटा १ हिले को सहयोगमा सञ्चालित दुइ दिने निशुल्क स्वस्थ्य परिक्षण शिविरमा उल्लेखित संख्याका विद्यार्थीहरुको स्वास्थ्य परिक्षण गरिएको हो ।
विद्यालयमा अध्ययनरत विद्यार्थीहरुमा पेट दुख्ने, अकस्मात ढल्ने जस्ता समस्या देखिएपछि स्वास्थ्य शिविरको आयोजना गरिएको विद्यालयका प्रधानध्यापक खगेन्द्र प्रसाद आचार्यले जानकारी दिनुभयो । स्वास्थ्य शिविरमा शिसु कक्षा देखि वि।वि।एस सम्मका विद्यार्थीहरुले स्वस्थ्य जाच गराएको प्रधानाध्यापक आचार्यले वताउनुभयो ।
स्वास्थ्य जाँचको क्रममा विद्यार्थीहरुमा आखा कमजोर, टन्सिल, ज्वरो, पेट दुख्ने जस्ता समस्या देखिएको सिविरमा सेवा दिनुभएका डा। प्रदिप श्रीवाल विकले बताउनु भयो । आखा कमजोर भएका विद्यार्थिहरुलाई आखा हस्पिटल जान सल्लाह, सुझाव दिएको डा विकले बताउनु भयो ।
