धनकुटाको हिलेमा गायक राजु लामा, २३ गीत गाएर हजारौ दर्शकलाई छमछमी नचाए
धनकुटा खबर । हिले व्याडमिण्टन क्लव र र्सिजनशिल साँस्कृतीक समूहको आयोजनामा धनकुटा १ हिलेमा वृहत साङ्गीतिक कार्यक्रम सञ्चालन गरिएको छ । हिले पर्यटन प्रर्दन र व्यामिण्टन कभर्ड हलमा पार्केटिङ निर्माणका लागि सहयोग पुर्याउने लक्षका साथ सञ्चालित कार्यक्रममा मंगोलियन हर्टका चर्चित गायक राजु लामाले दर्शकहरुलाई भरपुर साङ्गीतिक मनोरञ्जन दिनुभएको थियो ।
ए है माया, लाखौ कोशिष गर्दा पनि तिमिलाई भूल्न गाह्रो भो, हे देउता जुराईदेउ एउटा, लागेमा लाग्छ मोहनी, नलागे छैन मनामा डर, यो जुनिमा,हिउ पर्यो फुरुरु लगायत वोलका २३ वडा गीत गाएर दर्शकहरुलाई छमछमी नचाउनुभएको थियो । कार्यक्रममा हजारौ दर्शकहरुले राजुलाई साथ दिएका थिए ।
१५ वटा गीत कार्यक्रममा गाउने जिम्मा पाएका राजुले २३ वटा सम्म गीत गाएको हिले व्याडमिण्टन क्लवका अध्यक्ष राम गोङ्वाले जानकारी दिनुभयो । यसैवीच कार्यक्रम कै अवसरमा खेलाईएको हाउसफुल हिले कै राना टोलका तिलक राना मगरले जित्नुभएको छ । गएराती अवेर सम्म सञ्चालित कार्यक्रममाका हाउसफुल जित्दै उहाँले चौवीस क्यारेटको तीन तोला सुन हात पार्न सफल हुनुभएको कार्यक्रम आयोजक ले जनाएको छ ।
