सिनेमा हल मै ल्याएर विद्यार्थीहरुलाई ‘चलचित्र’ देखाईयो
धनकुटा खबर । साहित्यकार झमक घिमिरेको मदन पुरस्कार प्राप्त गर्न सफल कृति जीवन काडाँ की फूल मा निर्माण गरीएको चलचित्र विद्यालयका विद्यार्थीहरुको समेत रोजाईमा परेको छ ।
कार्तिक २२ गते बाट नेपाल भर रिलिज भएको चलचित्र धनकुटा सिनेमा हलमा तेस्रो हप्तामा समेत सफल रुपमा प्रर्दशन भई रहेको धनकुटा सिनेमाहलका संचालक पूर्णकुमार चौधरीले जानकारी दिए ।
सुरुवाती दिनमा अन्य दर्शकको रोजाईमा रहेको चलचित्र अहिले भने विद्यालयका विद्यार्थीहरुको रोजाईमा परे पछि विद्यालयहरुले विद्यार्थीहरुलाई हल मै ल्याएर चलचित्र देखाई रहेको हल संचालक चौधरीको भनाई छ । विनोद विष्टद्धरा निर्देशन गरिएको चलचित्र साहित्यकार झमक घिमिरेको घर र धनकुटा सदरमुकाम आसपासमा छायाँकन गरिएको छ ।
