धनकुटा गोल्डकप : दुहवी र धरान फाईनलमा
धनकुटा खबर, मंसिर २८ । धनकुटाको हिलेमा जारी प्रथम धनकुटा गोल्डकप फुटवल प्रतियोगितामा दुहवी र धरान फाईनलमा प्रवेश गरेका छन् ।
सेमिफाईनलमा आज झापा सँग भीडेको दुहवी सुनसरीले १ को विरुद्ध २ गोल लगाउदै फाईनलको यात्रा तय गरेको हो । दुहवीकाको जीतका लागि जर्सी नं ९ र १० का खेलाडी शिसम चौधरी र विक्रम राजवंशीले एक एक गोल गरेका थिए । झापाका लागि जर्सी नं १० का खेलाडी सन्दिप वुढाथोकीले एक गोल फक्र्याए पनि हार टार्न सकेनन् ।
यता ईलाम र धरान वीच भएको अर्को खेलमा ०-२ गोल अन्तरले धरान विजयी भएको छ । धरानका लागि जर्सी नं ११ विनोद राईले खेलको २० औ मिनेटमा गोल गरेका थिए भने र जर्सी १० का खेलाडी अभिषेक तामाङले २७ औ मिनेटमा अर्को गोल गर्दै आफ्नो टिमलाई जीत दिलाएका हुन् ।
हिले फुटवल क्लवको आयोजनामा जारी प्रतियोगिताको फाईनल पर्सि ३० गते हुने क्लवका महासचिव सञ्जिव तितुङले जानकारी दिनुभयो ।
