धनकुटामा जारी महिला गोल्ड कप : आर्मी १०-० गोल अन्तरले बिजयी
धनकुटा खबर, १३ पुष । धनकुटामा जारी शहिद रिदामाहाङ्ग–रामालिहाङ्ग आठपहरीया प्रथम महिला गोल्ड कप फुटबल प्रतियोगीताको आज धनकुटाको तल्लो टुडिखेलमा भएको खेलमा बराहदेवि फुटबल क्लबलाई १०-० गोल अन्तरले प राजीत गर्दै नेपाली सेनाको विभागिय टोली त्रिभूबन आर्मी क्लब सेमिफाइनलमा प्रवेश गरेको छ ।
खेलसुरु भएको ७ मिनेट मै आर्मिका लागि शर्मिला थापाले गोल गरेकी थिईन् त्यसको २ मिनेट नबित्तै पुन थापाले दोस्रो गोल गरिन्न । लगातार गोल गरेको आर्मिले खेलको पहिलो हाफमा ६ गोलको अग्रता लिएको थियो ।
शर्मिला थापा ३ , सपना लामा १ , विमला चौधरीले २ गोल गरेका थिए । दोस्रोहाफमा पनि आर्मिको अगाढी कमजोर प्रदर्शन गरेको बराहले कुनै राम्रो अवसरको सिर्जना गर्न सकेन दोस्रोहाफमा शर्मिला थापाले १, रस्मी घिसिङ्गले १, इन्दिरा राईले १ र पुजा राना मगरले १ गोल गरकी थिईन् । खेलको वुमन अफद म्याच आर्मीकी शर्मिला थापा घोषित भईन् ।
