धनकुटामा जारी प्रथम महिला गोल्डकप : रौतहटलाई हराउदै आर्मी फाइनलमा
विकास घिमिरे, धनकुटा खबर, १७ पुष । धनकुटामा जारी शहिद रिदामाहाङ–रामालिहाङ आठपहरिया प्रथम महिला गोल्डकप फुटवल प्रतियोगितामा नेपाली सेनाको विभागिय टोली त्रिभूवन आर्मी क्लब फाइनलमा प्रवेश गरेको छ ।
बिहिबार धनकुटा सदरमुकाम स्थित तल्लो टुडिखेलमा सम्पन्न सेमिफाइनल खेलमा रौतहट फुटबल क्लब लाई ६–० गोलअन्तरले पराजित गर्दै आर्मीले एपिएफ संगको फाइनलमा भेट पक्का गरेको छ ।
आर्मीले खेलको २ मिनेटमा २ गोल गरेर सुरुमै अग्रता लिएको थियो त्यस पछि पनि आर्मीले लगातार गोल गर्यो आर्मीको तर्फबाट शर्मिला थापाले २ , रश्मी घिसिङ्ग, इन्दिरा राई, विमला चौधरी र सपना लामाले १–१ गोल गरेका थिए ।
यस अघि नै नेपाल पुलिस क्लब लाई पराजीत गर्दै एपिएफ फाईनल प्रवेश गरि सकेको छ फाईल खेल शुक्रबार धनकुटाको ताल्लो टुडिखेलमा हुने आयोजकले जानकारी दिएको छ ।
