पाख्रीवास-८ मा सञ्चालित शिविरबाट पहिलो दिन २८१ जनाले स्वास्थ्य सेवा लिए
शर्मिला राई, धनकुटा खबर, पौष २० । धनकुटाको पाख्रीवास नगरपालिका ८ मुगामा सञ्चालित दुईदिने निःशूल्क स्वास्थ्य शिविरमा आज पहिलो दिन २ सय ८१ जनाले स्वास्थ्य सेवा लिएकाछन् ।
पाख्रीवास नगरपालिकाको आर्थिक सहयोग तथा पाख्रीवास नगरपालिका ७ र ८ नं वडा को संयुक्त आयोजनामा सञ्चालित शिविरमा विराट मेडिकल कलेज तथा टिचिङ हस्पिटल विराटनगरका प्रशासन प्रमुख आवास श्रेष्ठ नेतृत्वको २७ जना चिकत्सकको टोलिले सेवा दिईरहेको ८ नं वडाध्यक्ष सिताराम राईले जानकारी दिनुभयो ।
ग्रामीण भेगका सर्वसाधारणहरुलाई सुलभ स्वास्थ्य सेवा दिने लक्षका साथ आयोजित शिविरमा आँखाको समस्या जाँच तथा जनरल मेडिशिन सम्वन्धि सेवा वढीले लिईरहेको स्वास्थ्यचौकी व्यवस्थापन समितिका संयोजक भुवन रेग्मीले वताउनुभयो ।
शिविरमा स्त्री तथा वालरोग,आँखाको समस्या,छाला रोग,यौन तथा कुष्ठ रोग,अल्ट्रासाउण्ड,नवजात शिशु तथा वाल रोग लगायतको उपचार सेवा प्रदान गरिदैछ । भोलि पनि विहान १० वजे देखी विरामीहरुको स्वास्थ्य जाँच शूरु गरिने स्वास्थ्यचौकी व्यवस्थापन समितिले जनाएको छ ।
