धनकुटाको चुलाचुलीमा जारि मावि स्तरीय उपाध्यक्ष कपको फाइनल भोली
धनकुटा खबर, ४ माघ । छथरजोरपाटी गाउँपालिकाको चुलाचुलीमा जारि माध्यमिक तह स्तरीय उपाध्यक्ष कप फुटवल प्रतियोगितामा छात्र तर्फ सगरमाथा मावि र चुलाचुली मावि वीच उपाधीको लागि प्रतिस्पर्धा हुने भएको छ ।
त्यस्तै छात्रा तर्फ महाकाली मावि र सेतो गुराँस वोर्डिङ वीच फाइनल खेलको प्रतिस्पर्धा हुने छ । शनिवार सम्पन्न छात्राछात्र तर्फको सेमिफाइनल खेलमा विजयी हुँदै यी विद्यालय वीच उपाधीको लागि प्रतिस्पर्धा हुने भएको हो ।
शनिवार सम्पन्न छात्र तर्फको पहिलो खेलमा चुलाचुली माविले सरस्वती माविलाई ३–० गोलअन्तरले पराजित गर्दै फाइलन प्रवेश गर्यो । त्यस्तै सगरमाथा माविले पनि सरस्वती माविलाई १–० ले पराजित गर्दै फाइनलमा स्थान पक्का गरेको थियो ।
छात्रा तर्फको पहिलो सेमिफाइनल खेलमा सडन डेथमा सगरमाथा माविलाई पराजित गर्दै सेतो गुराँस विजयी भएको थियो । दोस्रो सेमिफाइनल खेलमा चुलाचुली माविले महाकाली माविलाई १–० गोल अन्तरले पराजित गरेको थियो ।
