धनकुटामा जारि महिला फुटवल : उदयपुरलाई प’राजित गर्दै ताप्लेजुङ सेमिफाईनलमा
धनकुटा खबर, ५ माघ । धनकुटामा जारि सहिद रामकृष्ण श्रेष्ठ १ नं. प्रदेश स्तरीय महिला फुटवल प्रतियोगिताको ताप्लेजुङको कर्णसिंह सोनाम फुटवल क्लवसेमिफाइनलमा प्रवेश गरेको छ ।
एक गोलले पछि परेको स्थितिमा उत्कृष्ट पुनरागमन गर्दै ताप्लेजुङको कर्णसिंह सोनाम फुटवल क्लव उदयपुरको चौदण्डीगढी नगरपालिकाको फुटवल टिमलाई पराजित गर्दै सेमिफाइनलमा प्रवेश गरेको हो । धनकुटा सदरमुकाम स्थित तल्लो टुँडिखेलमा सम्पन्न खेलमा ताप्लेजुंगले उदयपुरलाई ३–२ गोलअन्तरले पराजित गरेको सेमिफाइनलमा पुगेको हो । ताप्लेजुङको जीतमा अनुष्का शेर्पाले दुई तथा इन्द्रमाया गुरुङले एक गोल गरिन् ।
त्यस्तै उदयपुरको लागि मोनिका राई र मनिता तामाङ्गले एक÷एक गोल गरे । खेलको वुमन अफदी म्याच ताप्लेजुङकी अनुष्का शेर्पा घोषित भइन् । उनले नगद ३ हजार सहित प्रमाणपत्र प्राप्त गरिन् ।
२०७४ साल माघ ३ गते तत्कालिन शेरवहादुर देउवाको नेतृत्वमा रहेको सरकारले राष्टिय सहिद घोषणा गरेको दिन पारेर सहिद राम कृष्ण श्रेष्ठ स्मृती प्रतिष्ठानले आयोजना सो प्रतियोगितामा प्रदेश नं. १ भरिका ८ टिमको सहभागीता रहेको छ ।
प्रतियोगितामा प्राविधिक सहयोग धनकुटा जिल्ला फुटवल संघले गरेको छ । प्रतियोगिताको विजेताले नगद १ लाख सहित ट्रफि र उपविजेताले नगद ५० हजार सहित ट्रफि पाउनेछ ।
