मेयरकप फुटवल प्रतियोगिताको लागि धनकुटाको पाख्रीवासमा तयारी तिव्र
धनकुटा खबर । यही माघ २४ गतेदेखी धनकुटाको पाख्रीवास नगरपालिकामा दोश्रो मेयरकप वडा स्तरिय फुटवल प्रतियोगिता हुनेभएको छ । जसका लागि तयारीको कामलाई तिव्रता दिईएको छ ।
प्रतियोगिता व्यवस्थापन समितिका संयोजकसिताराम राईका अनुसार सम्पूर्ण वडाका खेलाडीहरु प्रतियोगितामा सहभागी हुने, खेलमैदान व्यवस्थापन, मञ्च व्यवस्थापन लगायत अन्य कामहरु करिव अन्तिम चरण पुगेकाछन् ।
पाख्रीवास नगरपालिकाद्धारा गत वर्षदेखी आयोजना गर्न थालिएको मेयरकप फुटवल प्रतियोगिताका विजयी प्रथम समूहले नगद १ लाख ५१ हजार र दोश्रो हुनेले नगद ७५ हजार ५ सय सहित ट्रफी मेडल र प्रमाण पत्र प्राप्त गर्नेछन् ।
त्यस्तै उत्कृष्ठ खेलाडी, उत्कृष्ठ गोल रक्षक लगायतलाई पनि पुरस्कृत गरिने छ । प्रतियोगिताको उद्घाटन प्रदेश नं १ का मुख्य मन्त्रि शेरधन राईवाट हुने जनाईएको छ ।
प्रतियोगिता उद्घाटन र समापन सत्रमा राष्ट्रिय कलाकार शम्भु राई,साजन राई,गंगा गौतम र श्रेया राई सहित स्थानिय कलाकारहरुको वजोड साँगितिक प्रस्तुती रहने संयोजक राईले जानकारी दिनुभयो ।
