पाख्रीवासको मेयरकपमा यी ४ वडा सेमिफाईनलमा प्रवेश, भोली कुन-कुन टीम भिःड्दैछन – हेर्नुहोस्
धनकुटा खबर, माघ २९ । धनकुटाको पाख्रीवासमा सञ्चालित अन्तरवडा स्तरिय दोश्रो मेयरकप फुटवल प्रतियोगिताको सेमिफाईनलमा विभिन्न ४ वटा वडा प्रवेश गरेकाछन् ।
भ्रमण वर्ष २०२० लाई समेत लक्षित गर्दै पाख्रीवास नगरपालिकाले आयोजना गरेको यस प्रतियोगिताको सेमिफाईनलमा नगरका ४, ८, ९ र ३ नं वडा प्रवेश गरेका हुन् ।
यस अघि आज भएको लिग चरणका अन्तिम खेलमा वडा नं ३ र ७ वीच भएको खेलमा ० को विरुद २ गोल गर्दै वडा नं ३ सेमिफाईनलमा पुगेको हो । यो खेलको म्यान अफ दि म्याच वडा नं ७ का जर्सी नं १ का पारशमणी तामाङ घोषित भए ।
त्यस्तै गरि वडा नं ५ र ९ वीच भएको खेलमा पनि ० कै विरुद्ध ६ गोल लगाउदै वडा नं ९ सेमिफाईनलमा पुगेको हो । यो खेलको म्यान अफ दि म्याच वडा नं ५ का जर्सी नं ९ का खेलाडी दिपेश थापा घोषित भए ।
त्यस्तै वडा नं ६ र ८ वीच भएको अन्तिम खेलमा ० को विरुद्ध ४ गोल हान्दै वडा नं ८ सेमिफाईनलमा प्रवेश गरेको हो । यो खेलको म्यान अफ दि म्याच वडा नं ८ का जर्सी नं १७ का विकास राई घोषित भएको मुख्य रेफ्री महेष मल्लिकले वताउनुभयो ।
भोलि सेमिफाईनलमा समूह क को विजेता वडा नं ९ भर्सेज समूह ख को उपविजेता वडा नं ४ र समूह ख को विजेता वडा नं ८ भर्सेज समूह क उपविजेता वडा नं ३ वीच खेल हुनेछ ।
