धनकुटामा भलिबल खेलाडी छनौट गर्न ‘क्लोज क्याम्प’
धनकुटा खबर, १ फागुन । धनकुटा जिल्ला भलिवल संघ धनकुटाले वन्द प्रशिक्षण (क्लोज क्याम्प) सुरु गरेको छ । एक हप्तादेखि धनकुटाको कागतेमा वन्द प्रशिक्षण सुरु गरिएको जिल्ला भलिवल संघ धनकुटाका अध्यक्ष गौरव कार्कीले जानकारी दिनु भयो ।
जिल्लाका सवै स्थानीय तहवाट खेलाडी छनौंट गरि १५ जना खेलाडी वन्द प्रशिक्षणमा सामेल गराइएको छ । ती मध्ये ९ जना खेलाडी छनौंट गरि धनकुटाको ए लेभलको टिम बनाइने छ । भने बाँकी खेलाडीहरुलाई समेटेर धनकुटाको वी टिम बनाउने अध्यक्ष कार्कीले जानकारी दिनु भयो ।
ए लेभल टिमले आगामी फागुन ६ गते सोलुखुम्वुमा हुन गइरहेको प्रदेश स्तरीय मदन भण्डारी स्मृति कप भलिवल प्रतियोगितामा धनकुटाको प्रतिनिधित्व गर्नेछ । वन्द प्रशिक्षणमा मुख्य प्रशिक्षक ऋषि पराजुली र सहायक प्रशिक्षक गणेश लिम्बुले भलिवल खेलको आधारभुत तथा खेल कौशलको विषयमा प्रशिक्षण दिइ रहनु भएको छ ।
