धनकुटामा पोर्चुगलबाट फर्किएका एक जना आईसोलेसनमा
धनकुटा खबर, चैत १७ । धनकुटाका एक व्यक्तिलाई आईसोलेसनमा राखिएको छ । पोर्चुगलबाट १५ दिन अघि नेपाल फर्किएका धनकुटा नगरपालिका ८ का ती व्यक्तिलाई जिल्ला अस्पताल धनकुटामा आईसोलेसनमा राखिएको हो ।
१५ दिन अघि पोर्चुगलवाट फर्किनुभएका उनलाई रुघाखोकी र ज्वरोको लक्षण देखिएपछि आईसोलसनमा राखिएको र अहिले प्रारम्भिक उपचार भईरहेको जिल्ला अस्पताल धनकुटाले जनाएको छ । उनको थप स्वास्थ्य जाँचका लागि विपी केआई एचएस धरानमा रिपोर्ट पठाईएको अस्पतालले जनाएको छ ।
ती व्यक्तिको परिवारका अन्य सदस्यहरुको सवास्थ्यवस्थालाई समेत ध्यानदिईने जिल्ला प्रशासन कार्यलय धनकुटाका सूचना अधिकारी जयराम श्रेष्ठले जानकारी दिनुभयो । वैदेशिक रोजगारीको शिलशिलामा विदेशगई हालै मात्र नेपाल फर्किएका धनकुटाका ६१ जना होम क्वारेनटाइनमा वसेका छन् ।
यसअघि जिल्लाका ९३ जना होम क्वारेन्टाईनमा वसेको र हिजो आईतवार ३२ जना ले क्वारेनटाईनको १४ दिनको समयावधि पूरा गरि निस्किएपछि अव ६१ जना रहेको सूचना अधिकारी श्रेष्ठको भनाई छ ।
