मौसमले साथ दिएसंगै धनकुटामा ६० प्रतिशत र तेह्रथुममा ७० प्रतिशत धान रोपाई सकियो
धनकुटा खबर । मौसमले साथ दिएसंगै धनकुटामा ६० प्रतिशत धान रोपाई सकिएको छ ।
लगातार बर्षा भएको कारण आकासे पानी भरमा रोपाई हुने खेतमा रोपाई भएसंगै धनकुटामा ६० प्रतिशत धान रोपाई भएको छ भने तेह्रथुम जिल्लामा भने करिब ७० प्रतिशत धान रोपाई भएको कृषि ज्ञान केन्द्र धनकुटाले जनाएको छ ।
चैते धान खेति हुने स्थानमा धान काट्ने समय भएको र रोपाई नभएकोले धनकुटा र तेह्रथुमको ८० देखि ८५ प्रतिशत खेतमा रोपाई हुने अनुमान गरीएको कृषि ज्ञान केन्द्र धनकुटाकी वागबानी विकास अधिकृत पूर्णमाया गुरुङ्गले जानकारी दिनु भयो ।
धनकुटामा असारे धान २३ हजार ९ सय ५७ हेक्टरमा खेति हुने गरेको छ भने तेह्रथुममा १४ हजार ४ सय ३२ हेक्टरमा खेति हुने गरेको अधिकृत गुरुङ्गले जानकारी दिनु भयो ।
