धनकुटा र तेह्रथुममा यो बर्ष मकै उत्पादनमा बृद्धि हुने
धनकुटा खबर । धनकुटा र तेह्रथुममा यो बर्ष मकै उत्पादनमा बृद्धि हुने भएको छ । गत बर्ष भन्दा करिब १० देखि १५ प्रतिशतले मकै उत्पादन बढ्ने अनुमान कृषि ज्ञानकेन्द्र धनकुटाले गरेको छ ।
धनकुटा र तेह्रथूम जिल्ला मै यो बर्ष मकै खेतिका लागि अनुकुल वातावरण भएको रोग किराको प्रकोप कम भएकोले मकै उत्पादन बृद्धि हुने भएको हो ।
अघिल्लो बर्ष धनकुटामा १३ हजार ४ सय ६७ हेक्टरमा गरिएको खेति बाट ४० हजार ४ सय १ मेक्ट्रिकटन मकै उत्पादन भएको थियो भने तेह्रथूममा १२ हजार ८ सय ९७ हेक्टरमा गरीएको खेति बाट ३० हजार ३ सय ९५ मेक्ट्रिकटन मकै उत्पादन भएको कृषि ज्ञानकेन्द्र धनकुटाका अधिकृत टेकबहादुर कार्किले जानकारी दिनु भयो ।
धनकुटा र तेह्रथूममा देउती, मनकामना ३ र ४, गणेश १, रामपुर कम्पोजिट, तथा अरुण १ र २ लगायतका मकैको खेति हुने गरेको छ ।
