लेउती दोभान चुवाडे उखु डाँडामा उखु पकेट क्षेत्र कार्यक्रम मार्फत व्यवसायिक उखु खेती शूरु
असार २४,धनकुटा । धनकुटाको सागुरीगढी गाउँपालिका वडा नं ७ लेउती दोभान चुवाडे उखु डाँडामा उखु पकेट क्षेत्र कार्यक्रम मार्फत व्यवसायिक उखु खेती शूरु गरिएको छ ।
यसअघि परम्परागत रुपमा उखु खेती गरिदै आएको यस ठाउँमा केही परिमार्जन गर्दै उखु पकेट क्षेत्र कार्यक्रम अन्र्तगत यो वर्ष देखी व्यवसायीक रुपमा उखु खेती शूरु गरिएको हो ।
यो कार्यक्रम अन्र्तगत सरकारबाट प्राप्त १२ लाख र स्थानियको ३ लाख सहित जम्मा १५ लाखमा यो खेती शूरु गरिएको गाउँपालिका अध्यक्ष कुमारजङ याखाले जानकारी दिनुभयो । सरकारबाट प्राप्त १२ लाख मार्फत उखु खेतीका किसानहरुलाई २० एचपी पावर टिलर,उखु सावर स्प्रे (मल लगाउने) ईस्वी ईजरायल टेक्नोलोजीको मल,तालिम, प्रशिक्षण प्रदान तथा माटो परिक्षण गरिएको छ ।
उखु पकेट क्षेत्र विकास कार्यक्रमका अध्यक्ष ज्ञान वहादुर लिम्वुले स्थानिय सरकार सँग सहकार्य गरी ईजरायलका कृषी विशेषज्ञ ल्याएर किसानहरुलाई थप तालिम प्रदान गरिने वताउनुभयो । यो कार्यक्रमले माटोको सुधार गर्दै अर्गानिक खेती तर्फ अग्रसर हुने किसानहरुको लक्ष छ । यहाँ ५० घर किसानले ६ सय हेक्टर क्षेत्रफलमा उखु खेती गरेर यसअघि ५ करोड सम्म आम्दानी लिदै आएकोमा अब उत्पादन वढाई १० करोड सम्म आर्थिक आम्दानी लिने लक्ष्य रहेको अध्यक्ष लिम्वुले वताउनुभयो ।
उखु उत्पादन बढेपछि गाउँपालिकाले प्रशोधनको व्यवस्था गर्ने गाउँपालिका अध्यक्ष याखाको भनाई छ । उखु खेतीको गाउँपालिका अध्यक्ष सहित विगठित प्रतिनीधिसभा सदस्य राजेन्द्र राई,गाउँपालिका प्रवक्ता वालकृष्ण राई,नेकपा एमाले गाउँ कमिटी सहईञ्चार्ज निर्मला ईवाहाङ गाउँपालिकाका प्रशासन शाखाका दोर्ण राई लगायतले हालै अनुगमन गरेका छन् ।
अनुगमनपछि उनिहरुले यो खेती व्यवस्थापनका लागि थप आवश्यक सहयोग गर्ने वताएका छन् ।
