क्षेत्रिय अधिवेशनमा भाग लिएका प्रतिष्पर्धीहरुलाई समेटेर अघि बढ्ने निर्णय
धनकुटा । नेपाली कांग्रेस धनकुटा प्रदेश सभा (ख) क्षेत्रिय कार्य समितिको पहिलो बैठकले पार्टीको १४ औं महाधिवेशन अन्र्तगत भएको क्षेत्रिय अधिवेशनको क्रममा भाग लिएका प्रतिष्पर्धी साथीहरुलाई समेटेर अघि बढ्ने निर्णय गरेको छ ।
प्रदेश सभा (ख) क्षेत्रिय कार्य समितिका सभापति राजन पौडेलको सभापतित्वमा बसेको बैठकले अधिवेशनको क्रममा निर्वाचनमा भाग लिईरहँदा लोकतान्त्रिक प्रणाली अनुसार प्रतिष्पर्धामा आउनु भएकाहरुलाई क्षेत्रीय समितिमा समेटेर अघि बढ्ने निर्णय गरेको हो ।
त्यस्तै प्रदेश सभा (ख) अन्र्तगतका सम्पूर्ण वडा तथा टोल समितिको विवरण उपलब्ध गराईदिन पालिका समितिलाई अनुरोध गर्ने,भातृ तथा शुभेच्छुक समिति गठन एवम् पुर्नगठन गर्ने सहितका महत्वपूर्ण ७ निर्णय गरिएको सचिव दिलराज घिसिङले जानकारी दिनुभयो ।
बैठकले नेपाली कांग्रेस प्रदेश सभा (ख) को नियमित बैठक प्रत्येक महिनाको अन्तिम शनिवार बस्ने समेत निर्णय गरेको छ । बैठकमा प्रदेश सभा (ख) क्षेत्रीय कार्य समितिका सम्पूर्ण पदाधिकारीहरुको उपस्थिती थियो ।
