एक हप्ता पनि टिकेन नेकपा एसको संगठन
धनकुटा । नेकपा (एकिकृत समाजबादी) धनकुटाका एक वडा अध्यक्षले आफू चयन भएको ५ दिनमा नै उक्त पाटी परित्या’ग गरेका छन् । समाजवादी धनकुटाले धनकुटा नगरपालिका वडा नं.६ का बुद्ध लिम्बूको अध्यक्षमा माघ २७ गते २१ सदस्यीय वडाकमिटी गठन गरेको थियो ।
तर उक्त कमिटी गठन भएको एक हप्ता पनि नबित्दै नवगठित समितिका अध्यक्ष लिम्बूले आफू नेकपा एमालेमा नै फर्किएको भनेर बिज्ञप्ति निकालेका छन् । लिम्बूद्वारा फागुन ३ गते हस्ताक्षरीत बिज्ञप्तीमा आफू एमाले भनेर झुक्किएर उक्त पाटीमा भुलबश संगठित हुन पगेकोले पुन एमालेमा नैं फर्किएको जानकारी गराएका छन् ।
लिम्बूले धनकुटा खबर संगको कुराकानीमा पनि उक्त बिज्ञप्ति आफैंले हस्ताक्षर गरेको जानकारी दिंदै आफू नेकपा एमालेमा नै आवद्ध रहेको जानकारी दिनुभयो । यस बिषयमा उता एकिकृत समाजवादीका धनकुटा जिल्ला अध्यक्ष अर्जुन राईले भने वडा अध्यक्ष लिम्बू एमालेमा नफर्किएको जानकारी दिनुभयो ।
‘एमालेका केहि अराजक कार्यकर्ताहरुले जबरजस्ती उक्त गलत प्रचार गरेका हुन्’–राईले भन्नु भयो,‘लिम्बू संग पटक–पटक बैठक बसेर कमिटी गठन गरिएको हो, उनी एमालेमा गएको कुरा गलत हो ।’
