नेपाल बैक लिमिटेड हिले एक्स्टेन्सन काउन्टर संचालन सम्बन्धि अन्तर्क्रिया सम्पन्न
धनकुटा । धनकुटाको हिलेमा नेपाल बैक लिमिटेडको हिले एक्स्टेन्सन काउन्टर संचालन सम्बन्धि अन्तर्क्रिया सम्पन्न भएको छ ।
नेपाल बैंक लिमिटेड पाख्रीबास शाखाको आयोजनामा सम्पन्न कार्यक्रममा धनकुटा नगरपालिका १ का वडा अध्यक्ष,वडा सदस्यहरु लगायतको सहभागिता रहेको थियो भने विशेष अतिथिको रुपमा नेबैलि प्रदेश नम्बर १ का प्रमुख सूर्य प्रकाश भट्टको उपस्थिति रहेको थियो ।
त्यसैगरि व्यवसायीहरु शान्ति खड्का,रबिन कार्की,जनक पाण्डे,नगेन्द्र बस्नेत,नगेन्द्र काफ्ले लगायत अन्य व्यवसायीहरुको उपस्थिति रहेको थियो ।
कार्यक्रममा हिले वितरक संघका अध्यक्ष कृष्ण राज श्रेष्ठ,धनकुटा उद्योग बाणिज्य संघका निवर्तमान अध्यक्ष उमेश घिमिरेको उपस्थिति रहेको थियो ।
न्नपूर्ण पदमार्गमा पर्यटक बढे, व्यवसायी उत्साहित
मनाङ, २७ चैत (रासस) :पछिल्लो समय अन्नपूर्ण पदमार्गमा पदयात्रा गर्ने बाह्य पर्यटकको सङ्ख्या बढ्दै गएको छ । पर्यटककको सङ्ख्यामा वृद्धि भएपछि पर्यटन व्यवसायी उत्साहित भएका छन् ।
कोरोना भाइरस र बाढीपहिरोको वितण्डापछि अहिले लमजुङहुँदै पदयात्रा गर्ने बाह्य पर्यटकको सङ्ख्यामा वृद्धि भएको छ । दैनिक १५० भन्दा बढी पर्यटकले पदयात्रा गर्ने गरेका छन् । दुई वर्षसम्म कोरोनाका कारण थलिएको पर्यटन क्षेत्र विस्तारै तङ्ग्रिदै गएको छ । अन्नपूर्ण पदमार्गमा विशेष गरी इजरायल, जर्मनी, फ्रान्स, अष्ट्रेलिया, बेलायत, अमेरिकालगायत देशका पर्यटक बढीजसो आउने गरेका छन् ।
अन्नपूर्ण पदमार्गमा पछिल्लो समय आन्तरिक पर्यटकको आगमन पनि बढ्दै गएको अन्नपूर्ण संरक्षण क्षेत्र मनाङका प्रमुख लेखनाथ गौतमले बताउनुभयो । “पदमार्गमा असोजदेखि चहलपहल बढेको छ”, उहाँले भन्नुभयो । मङ्सिर र पुसमा हिमपातका कारण सुस्ताएको भए पनि अहिले चहलपहल बढ्न थालेको छ । पदयात्राका लागि उपयुक्त याम सेप्टेम्बरदेखि नोभेम्बरसम्म र फेब्रुअरीदेखि अप्रिलसम्म हो । अन्नपूर्ण पदमार्ग विश्वका १० उत्कृष्ट गन्तव्यमध्ये एक मानिन्छ ।
बँेशीसहरबाट खुदी, भुलभुले, ङादी, स्यागे, जगतहुँदै मनाङको बगरछाप, चामे हुँदै थोराङपास भएर मुक्तिनाथ, जोमसोम, बेनी, घोरेपानीबाट पोखरा पुगिन्छ ।
