धनकुटामा समेत हर्षोल्लासका साथ मनाइयो छठ पर्व
धनकुटा,१३ कार्तिक । सूर्यको आराधना गरेर मनाइने छठ पर्व धनकुटामा समेत मनाईएको छ । तराईका जिल्लाहरुमा बिशेष गरेर मनाईन छठ पर्व पछिल्लो समेय पहाडी जिल्लाहरुमा समेत मनाउन थालिएको छ ।
सूर्यको उपासना गरी मनाइने छठ पर्व पहाडी जिल्लाहरुमा समेत हर्षोल्लासका साथ मनाउन थालिए संगै धनकुटाका विभिन्न स्थानमा रहेका जलाशय, कुवा, पोखरीहरुमा आज विहान उदाउँदो सूर्य लाई अर्घ दिएर सम्पन्न गरिएको छ । ।
दसैँ र तिहारलगत्तै पर्ने यो पर्वमा कात्तिक शुक्ल पक्ष षष्ठीको छठी माईको पूजाअर्चना गरी पुत्र, पति र परिवारको सुख–शान्तिको कामना गर्ने गरिन्छ ।
यस छठ पर्वको अवसरमा पञ्चमीका दिनदेखि व्रत बस्ने महिला तथा पुरुषले निष्ठापूर्वक पवित्र जलाशयमा स्नान गरी बेलुकीपख दूध, चामल र सख्खरको खीर पकाई गहुँको सादा पुरी प्रसादका रूपमा आफू खाने र व्रत नबस्ने परिवारका सदस्यलाई पनि खुवाउने चलन छ ।
परम्परानुसार छठका दिन साँझ अस्ताउँदो सूर्यलाई जलाशयमा उभिएर पूजासहित अघ्र्यदिएपछि रातभर नदी तथा तलाउ किनारमा महिला बसी छठको लोकगीत गाउने गरिन्छ ।
