धनकुटाको साँगुरीगढी गाउँपालिकामा कृषि मेला तथा प्रर्दशनी
धनकुटा,२७ कार्तिक । धनकुटाको साँगुरीगढी गाउँपालिका ५ मा किसानलाई निर्वाहमूखी खेती प्रणालीबाट व्यावसायिक बनाउँन, बजारीकरण र किसानलाई प्रोत्साहन गर्ने उदेश्यले कृषि मेला तथा प्रर्दशनी गरिएको छ ।
किसानहरुले आफ्नै बारीमा उत्पादन गरेको कृषि उपजहरुलाई प्रर्दशनीमा राखिएको थियो । किसानहरुलाई उत्पादन, बजारीकरणमा प्रोत्साहन गर्नका लागि प्रदर्शनी तथा मेला आयोजना गरिएको वडा अध्यक्ष खड्ग लिम्बुले बताउँनु भयो । उहाँले भन्नु भयो यस्ता मेला बाट किसानले उत्पादन गरेको बस्तुहरुलाई बजारमा जोड्न र खेतीपाती तर्फ किसानलाई आर्कषण गर्न सकिन्छ ।
निर्वाहमूखी खेतीलाई व्यावसायिक बनाउँन र आर्गनिक उत्पादनमा जोड दिन समेत किसान लाई प्रदर्शनीमा आग्रह गरिएको गाउँपालिका अध्यक्ष जितेन्द्र राईले बताउँनु भयो । प्रदर्शनिमा मसला बाली, अन्नबाली, तरकारी बाली, दलहनवाली र फलफुल बाली तर्फ प्रथम, दोस्रो,तेस्रो र सात्वना हुने लाई प्रमाण पत्र सहित नगद क्रमश १५ सय, १२ सय, ८ सय र ५ सय प्रदान गरिएको थियो ।
प्रदर्शनीमा किसानले उत्पादन गरेका दलहन, तेलहन, तरकारी तथा फलफुल लगायतका बालीहरुको प्रर्दशन गरिएको थियो ।
