शहिदभूमी गाउँपालिकामा महायज्ञको आयोजना गरिने
धनकुटा,२६ बैशाख । धनकुटाको शहिदभूमी गाउँपालिकामा राधाकृष्ण मन्दिर निर्माण गर्नको लागि महायज्ञको आयोजना गरिने भएको छ ।
शहिदभूमि गाउँपालिका वडा नं १ घंगरुमा सहिद प्रकाश थापा स्मृति ट्रष्टको सहजिकरणमा २०८० साल मंसिरमा नवाह ज्ञान महायज्ञको आयोजना गरिने भएको हो । नवाह ज्ञान महायज्ञ श्री मानव सेवा फाउन्डेसन नेपालका विश्व विख्यात श्रीमाद्भागवत कथा प्रवचक वालयोगेश्वर श्री विजयमूर्ती महाराज प्रमुख प्रवचकको रुपमा रहनु हुने जनाईको छ ।
राधाकृष्ण मन्दिर बनाउन लगभग ७० लाख जत्ति लाग्ने र उक्त रकम महायज्ञबाट संकलन गरि खर्च गरिने सहिद प्रकाश थापा स्मृति ट्रष्टका सचिव अर्जुन थापाले बताउनु भयो ।उक्त महायज्ञ सम्पन्न गर्नको लागि हालै सम्पन्न भेलाले गोपालराज थापाको संयोजकत्वमा १ सय ८ जनाको मुल आयोजक समिति समेत गठन गरिएको ट्रष्टका सचिव थापाले जानकारी दिनु भयो ।
