सिके राउत फर्केलगत्तै उपेन्द्र यादव दिल्ली प्रस्थान
काठमाडौँ । जनता समाजवादी पार्टी नेपालका अध्यक्ष उपेन्द्र यादव भारत प्रस्थान गरेका छन् । भारत केरेलाको कोचीमा हुने एक वैवाहिक कार्यक्रममा भाग लिन उनी दिल्ली हुँदै केरेला पुग्ने पार्टी स्रोतले जनाएको छ ।
वैवाहिक कार्यक्रम भनिए पनि यो उनको राजनीतिक भ्रमण पनि हो । उनले दिल्लीमा उच्चस्तरीय भेटघाट गर्ने स्रोतले जनाएको छ । यसअघि जनमत पार्टीका अध्यक्ष सिके राउत दिल्ली भ्रमण सकाएर फर्केका छन् ।
सरकारले गौर घटनाको फाइल खोलेपछि जसपाका अध्यक्ष यादव र सरकार बीचको दुरी बढेको छ । सरकारले गौर घटनाको छानबिन अगाडि बढाएको छ । यही बीच यादवको दिल्ली भ्रमणलाई चासोका साथ हेरिएको छ ।
