भान्सा कोठामै पेट्रोल छर्केर आगो लगाई हत्या
सिन्धुली । सिन्धुलीको कमलामाई–४ धुराफाँटमा ३२ वर्षीया शुसिला वम्जनको भान्सा कोठामै पेट्रोल छर्केर आगो लगाई हत्या गरिएको आरोपपछि उनका आफन्त र स्थानीयवासीले दोषीलाई कडा कारबाहीको माग गर्दै जिल्ला प्रहरी कार्यालय सिन्धुली घेराउ गरेका छन् ।
निष्पक्ष छानबिन र दोषीलाई तत्काल कानुनी दायरामा ल्याउन माग गरिएको छ ।
जिल्ला प्रहरी कार्यालय सिन्धुलीले वम्जनको सासू र नन्दलाई नियन्त्रणमा लिएर घटनाबारे अनुसन्धान भइरहेको जनाएको छ ।
