अझैपनि बिप्लबका कार्यकर्ता थुनामा !
धनकुटा खबर । प्रहरीले नियन्त्रणमा लिएका नेत्रविक्रम चन्द (विप्लव) नेतृत्वको नेपाल कम्युनिष्ट पार्टीका जिल्ला ईन्चाज सहितका १४ जना धरौटीमा छुटेका छन् भने एक कार्यकर्ता अझैपनि थुनामा रहेका छन् ।
निर्वाचनलाई प्रभावित पार्न सक्ने भन्दै पटक पटक गरेर १५ जनालाई प्रहरिले नियन्त्रणमा लिई थुनामा राखिएको थियो ।
नेकपाका जिल्ला अध्यक्ष आकाश शर्मा भनिने माधव गौतमसहित थुनिएका १४ जनालाई बुधबार सम्ममा धरौटिमा छोडिएको जिल्ला प्रहरी प्रमुख सुदिप राजभण्डारीले बताउनुभयो । पक्राउ परेका १५ मध्ये जिल्ला सदस्य सुक्रराज राई भने हिरासतमै छन् । राईलाई हिरासतमा राखेर अनुसन्धान भइरहेको प्रहरीले जनाएको छ ।
बिभिन्न जिल्लामा प्रतिनिधि तथा प्रदेशसभा निर्वाचन प्रभावित पार्ने गतिविधि बढ्दै गएपछि करिव एक महिना अघि नियन्त्रणमा लिएर शान्ति सुरक्षालाई दखल पुर्याउनेको आरोपमा प्रहरीले उनीहरु बिरुद्ध सार्वजनिक मुद्धा चलाएको थियो ।
पक्राऊ परेका केहि थुनुवाहरुले आफूहरु बिप्लवका कार्यकर्ता नभएको र चाडै पत्रकार सम्मेलन गरी प्रेस बिज्ञप्ती सहित स्पष्टीकरण गर्ने बताए ।
