४ दशक पछि जाल्पादेवीबाट यसरी विदाई लिए प्राचार्य भट्टराईले !, जाँदा-जाँदै ‘गोपाल-दुर्गा भट्टराई’ अक्षयकोषको स्थापना (भिडियो सहित)
धनकुटा खबर । धनकुटाको पाख्रीबास नगरपालिका स्थित श्री जालपादेवी मा वि तथा क्याम्पस प्राचार्य गोपाल भट्टराईले विद्यालयवाट अौपचारिक रुपमा विदाई लिएका छन । विद्यालय ब्यबस्थापन समितिका अध्यक्ष डागम कुमार राईको अध्यक्षतामा सम्पन्न विदाई कार्यक्रम मार्फत उनले विदाई लिएका हुन ।
२०३४ जेष्ठ मा शिक्षक नियुक्त भई शिक्षण पेशामा आबद्द रहेका भट्टराई २०४४ जेष्ठ देखि प्र.अ. जिम्मेवारी बहन गर्दै आएका हुन् । उनले आज अर्थात २०७४ मंसिर २९ गते विद्यालयमा सम्मन्न विदाई कार्यक्रम मार्फत बिदाई लिएका हुन ।
जाँदा-जाँदै भट्टराईले गरिव तथा असाहय बिधार्थीलाई राहत दिने उदेश्य सहित ‘गोपाल-दुर्गा भट्टराई’ अक्षयकोष स्थापना गरेका छन जसको धनराशी ५०,००० को रहेको छ भने संरक्षकको रुपमा छोरीहरु सरु भट्टराई र अनु भट्टराई रहेकाछन ।
उक्त कार्यक्रममा पाख्रीबास नगरपालिकाका मेयर बृष राई लगायत वहालवाला वि व्य स पदाधिकारी, पूर्व वि व्यस, पूर्व स्रोत व्यक्ति पुष्प कटुवाल, जालपादेवी क्याम्पसका संचालक समितिका वर्तमान सदस्यहरु र पूर्व पदाधिकारीहरु साथै विद्यालयका शिक्षकहरुको उपस्थिती रहेको थियो ।
सेवा अवधिको ४० बर्षमा उनले विद्यालयवाट औपचारिक रुपमा विदाई लिएका हुन । भिडियो:
