दलहरुले लिए धनकुटालाई राजधानी बनाउने आन्दोलनको नेतृत्व !, भोली १२ बजे देखि धनकुटा बजार बन्द र बिशाल जनप्रदर्शन गरिने
धनकुटा खबर । मंसिर २९ गतेबाट संघर्ष समितिले धनकुटालाई प्रदेश नं.१ को राजधानी बनाउने गरेको आन्दोलनको नेतृत्व अब धनकुटाका राजनैतिक दलहरुले गर्ने भएका छन् ।
स्थानिय तहको निर्वाचन,प्रदेश र प्रतिनीधि सभाको चुनावमा दलहरुको मुख्य एजेण्डा धनकुटालाई राजधानी बनाउने भएकोले आन्दोलनको नेतृत्व राजनैतिक दलहरुले गर्नुपर्ने माग आएपछि अबको आन्दोलन दलहरुले गर्ने भएका हुन् ।
संघर्ष समितिले शनिबार दल तथा सरोकारवालाहरु संगको बैठक तथा परामर्श पछि दलका जिल्ला प्रतिनीधिहरुले आन्दोलनको नेतृत्व लिएका हुन् ।
सर्बपछिय बसेको उक्त बैठकबाट नेकपा एमालेका तर्फबाट सचिव सुरेन्द्र पौडेल,नेपाली कांग्रेसका तर्फबाट जिल्ला सदस्य,बिष्णु पौडेल, नेकपा माओवादी केन्द्र का तर्फबाट सचिवालय सदस्य तिलक प्रसाद राई र संघिय समाजवादी फोरमका तर्फबाट नगर ईन्चार्ज सरोज आठपहरीयाले आन्दोलनको नेतृत्व लिएका छन् ।
सर्वपक्षिय बैठक पछि थप आन्दोलनको कार्यक्रम गर्न सहकार्य गर्नका लागि दलहरुले आपसि परामर्श गर्ने जानकारी दिएका छन् ।
बैठकले दलहरुले भोली आईतबार १२ बजे पछि धनकुटा बजार बन्द गरेर धनकुटा बजारमा जनप्रदर्शन गर्ने तथा दैनिक रुपमा चरणवद्ध आन्दोलन निर्णय गरेको छ ।
कार्यक्रममा यहि पौस १६ गते धनकुटाका जनप्रतिनीधिहरुको नेतृत्वमा काठमाण्डौंको माईतिघर मण्डला र १७ गते सिंहदरबार घेराउ गर्ने कार्यक्रम जानकारी दिईएको छ ।
राजधानी बनाउन धनकुटा उपयुक्त भएपनि यस बिषयमा गलत सूचना गएकोले धनकुटाले आन्दोलनमा उत्रनु परेको संघर्ष समितिले जानकारी दिएको छ ।
